Nagpadayon karon ang pag-landfall ni Hurricane Milton nga nakaapekto karon sa mga katawhan sa estado sa Floridad.
Nasayran nga una ng gipabakwit ang pipila ka mga katawhan sa mga opisyal sa Florida sa wala pa mi-landfall ang Hurricane Milton.
Sumala ni Gobernador sa Florida nga si Ron DeSantis nga ang dinalian nga pagbakwit kini aron nga makalikay sa kadaot nga hatod sa daot nga panahon nga giisip sa mga ekperto nga labing kusog nga bagyo sulod sa usa ka gatos ka tuig.
Masaligon usab ang opisyal nga makaya sa iyang katawhan ang bagyo basta andam lamang ug matago kini sa luwas nga mga dapit.
Gisiguro sab sa White House pinaagi sa Presidente sa US nga si Joe Biden ug Kamala Harris nga kanunay nga na-update sa kung unsa ang bagyo moigo sa maong estado.
Ilabi na nga gikonsidera sa US Federal Emergency Management Agency (FEMA) ang bagyong Milton nga labing kusog nga bagyo nga moagi sa US nga gikabalak-an nga mohatod ug binilyon nga kantidad sa kadaot.
Sa karon sa inisyal nga report nga gipaguwa sa US-based group nga PowerOutage.us, walay supply sa kuryente ang kapin sa 1.6 million power consumer sa tibuok Florida.
