Gimando ni PNP chief Gen. Rommel Francisco Marbil ang pag-abre sa imbestigasyon sa murder case ni retired police general ug kanhi Philippine Charity Sweepstakes Office (PCSO) board secretary Wesley Barayuga.
Gihimo ni Marbil ang kamando-an homan sa testimonya ni Lt. Col. Santie Mendoza sa Quad Committee sa kamara, kung diin gitudlo niini sila si National Police Commission (Napolcom) Commissioner Edilberto Leonardo ug kanhi PCSO General Manager Royina Garma nga mao ang nag-operate aron patyon si Barayuga.
Gumikan sa mga seryosong alegasyon, gimando-an ni Gen. Marbil ang Criminal Investigation and Detection Group (CIDG) nga pangunahan ang bag-ong imbestigasyon sa Barayuga murder case ug kalkalon pagbalik ang tanang ebidensya gumikan sa mga bag-ong testimonya sa pagdungog sa Quad committee.
Gikan si Barayuga sa opisina sa PCSO sa Mandaluyong City ug sakay sa sports utility vehicle niini sa dihang gi-ambush kini sa nakamotorsiklong suspek niadtong Hulyo 30, 2020.
Gipaneguro ni Marbil sa publiko nga patubagon nila ang tinuod nga adunay kasal-anan sa pagpatay kang Barayuga nga walay gikahadlukan o gipaburan.
