Gibulgar ni kanhi Cebu City Rep. Tommy Osmeña sa Quadcomm hearing nga si kanhi Philippine National Police-Criminal Investigation and Detection Group (PNP-CIDG) chief Royina Garma ang nagadawatan kuno ug P1 milyon matag semana nga suhol o payola gikan sa iligal nga sugal.
Sa ikaunom nga pagdungog sa House Quad Committee, gipahayag ni Osmeña nga gibabagan niya ang pagbalhin kang Garma sa Cebu homan kini nakadawat ug inpormasyon nga nagakolekta si Garma u P1 milyon matag semana isip hepe sa CIDG sa dakbayan sa Davao ug ang bagman niini mao ang usa ka SPO4 Art.
Dugang gipahayag sa kanhi magbabalaod, migawas usab karon nga dili lamang manliligaw si SPO4 Art.
Gidala pa niini ang nahisgutang pulis sa dihang na-appoint si Garma sa PCSO (Philippine Charity Sweepstakes Office).
Samtang gipahayag usab ni Laguna Rep. Dan Fernandez nga mamahimong gitumbok ni Osmeña ang susamang SPO4 Arthur Narsolis nga gilambigit sa pagpatay sa tulo ka mga Chinese drug lords sa Davao Prison and Penal Farm niadtong 2016 panahon sa war on drugs sa Duterte administration.
Gitudlo ni Duterte si Garma isip PCSO general manager pipila ka adlaw homan kini ang nag-avail sa early retirement gikan sa PNP niadtong 2019.
Nagpasalamat usab si Osmeña sa Quadcom sa paghatag kaniya ug higayon nga isulti ang nahisgutang mga butang nga mamahimong imbestigahan pa.
Dugang pa niini, andam kining magbulgar pa sa iyahang nasayran sa mga mosunod nga pagdungog.
