Ginatun-an na sa Department of Justice (DOJ) ang posibleng pagpasaka ug kasong administratibo sa mga abogado sa gipalagpot nga mayor sa Bamban, Tarlac nga si Alice Guo.
Dugang gipahayag ni DOJ Undersecretary Nicholas Felix Ty, wala nila gilimitar sa notary gumikan kay sa lantaw nila, ang mga abogado ni Alice Guo mismo sa preliminary investigation ug ang tigpamaba niini ang gikinahanglang kasuhan usab ug administratibo.
Pasakahan usab kuno ug kasong kriminal gumikan sa falsification ug administratibo sa Supreme Court si Atty. Elmer Galicia, ang abogadong nagnotaryo kuno sa counter-affidavit ni Guo bisan wala personal nga naatubang ang kanhi mayor.
Ang falsified counter affidavit ni Guo ang gisubmitar sa mga abogado niini sa gipasakang mosyon sa DOJ niadtong Agusto 16, aron pangayuon nga subling ablihan ang imbestigasyon sa qualified trafficking case nga gipasaka batok sa ilahang kliyente.
Gawas pa niini, nakita usab nila ang epekto sa ilahang mga dilatory tactics nga kauban usab ang motion to admit sa kaso nga wala pa nahukman, gumikan kay nagtuo ang DOJ sa ilaha nga pagasundon nila ang mga obligasyon sa mga abogado.
Subay sa pag-angkon ni Shiela Guo sa Senado, ang matod pa igsuon sa kanhi mayor, mibiya sila ni Alice sa Pilipinas niadtong bulan sa Hulyo kauban si Wesley Guo sakay sa usa ka bangka padulo sa Malaysia.
