Wala nalikayan sa mga myembro sa Kingdom of Jesus Christ (KOJC) nga ikumpara ang nahimong hapsay nga operasyon sa NBI XI atol sa pag-serve niini og warrant of arrest sa pagpanghulga nga ginabuhat sa mga kapulisan gawas mismo sa KOJC Compound sa Buhangin ning dakbayan.
Sumala pa nila, walay maayong natampo ang maong pagpanghadlok ug pagmuntar niini og mga otoridad gawas sa ilang compound kondi kahadlok ug pagpamastos lamang sa ilang pinuy-anan ug simbahan.
Kahinumduman nga sa nakalabay nga adlaw, nagpahigayon og jogging ang mga police forces sa ilang compound butang nga daan na nilang gikwestyun.
Sumala pa ni Atty. Lorraine Badoy, makonsiderang illegal ang ginabuhat sa mga kapulisan hilabi pa sa kasamtangang administrasyon nga walang laing gibuhat kondi ang pagtuman lamang sa ilang kagustohan bisan paman sukwahi na kini sa balaod.
Matud pa nga kinahanglan adunay usa probable reason nga pagagunitan ang mga kapulisan ayha kini modesidar sa pagsulong sa nagkadaiyang propyedad ni Pastor Apollo Quiboloy hilabi pa nga ang sagrado kini.
Sigon pa sa mga myembro ni Pastor Quiboloy, mas maayo ang nahimong lakang sa NBI XI nga wala nahimong samok ug gubot.
Kahinumduman nga una nang nakadawat og impormasyon ang KOJC members sa matud pa second wave operation s amga kapulisan kung asa laraw nilang pagasudlon ang nagkadaiyang lugar ni Pastor Quiboloy uban sa plano nga pagtanom og droga ug armas aron mamahimong dili maayo ang imahe niini sa publiko.
