Nabaligya sa auction sa kantidad nga $336,000 o katugbang sa mosobra sa P16-milyon ang katapusang warm-up jacket sa namatay nga si Kobe Bryant.
Ang nahisgutang jacket ang nasuot niini sa pakigsangka sa Los Angeles Lakers ug Utah Jazz kaniadtong April 2016 kung diin mitala kini ug 60 points sa Staples Center.
Matod pa sa SCP Auctions, miabot sa 35 bidders ang nagka-interes sa nahisgutang jacket.
Ang gold adidas jacket nga size XL, makita ang mga patches sa mga awards nga naangkon sa Los Angeles Lakers lakip na ang 16 ka mga kampeonato.
Kung kahinumduman sukad nga nakabsan sa kinabuhi si Bryant niadtong 2020 gumikan sa pagkahagsa sa helicopter nga gisakyan niini kauban ang anak nga si Gianna ug lain pang pito ka tawo, mitaas ang presyo sa mga gamit niini.
