Tulo ka adlaw homan ang gilusad nga pagpangataki sa mga sundalo sa Ukraine sa cross border sa Kursk region sa Russia, gibatikos ni Ukraine President Volodymyr Zelensky ang Russia nga gikinahanglang mamatikdan niini ang mahitabo sa ilahang pagsulong sa Ukraine.
Gipahayag pa niini nga ang Russia mao ang nagdala ug kasamok sa ilahang nasud ug angay usab mahibalo-an nila ang ilahang gihimo.
Dugang pa ni Zelensky, nasayod ang mga Ukrainians kung paunsa makab-ot ang ilahang mga tumong ug wala nila gipili nga maabot ang mga nahisgutan sa giyera.
Wala usab direktang gihisgutan ni Zelensky ang gihimong opensiba sa ilahang mga sundalo sa cross border sa Russia.
Unang gika-report sa Russia nga mukabat sa 1,000 ka mga sundalo sa Ukraine nga adunay mga tangke ug armoured vehicles ang misulod sa ilahang cross border nga gikunsederang usa sa pinakadakong pagpangataki nga gihimo niini sa yuta sa Russia, sukad nga nagsugod ang gubat sa duha ka nasud niadtong Pebrero 24, 2022.
Unang giakusahan usab ni Russian President Vladimir Putin ang Ukraine ug major provocation.
Samtang sa usa ka statement, gika-report sa Russian defense ministry nga nababagan nila ug naguba ang 75 ka mga unmanned combat aerial vehicle missiles nga gitira sa mga rehiyon lakip na sa Kursk.
Samtang sa gipagawas nga video call tali ni Putin ug Kursk regional governor Alexei Smirnov, gireport niini nga gipabalhin na ang ilahang mga residente pinaagi sa mga bus ug tren padulong sa ubang rehiyon sa Russia nga mitanyag nga sagupon ang mga nahisgutan, bisan paman nalangan ang gihimo nilang evacuation efforts gumikan sa pagpangataki sa pwersa sa Ukraine.
