Subling nagsilbi og warrant of arrest ang mga personahe sa National Bureau of Investiation (NBI) XI sa Kingdom of Jesus Christ Compound, Buhangin, ning dakbayan, kagahapon.
Apan taliwas sa nahitabo kaniadtong Hunyo dyes mga puno sa kasamok ug panaglalis, nahimong malinawon ang pagsilbi sa mga otoridad kagahapong adlawa.
Gipangunahan ni Atty. Arcelito Albao, Regional Director sa NBI XI ang maong lakang kung diin gisulod niini ang 4.2 hectares sa Kingdome sulod sa usa ka oras apan pakyas gihapon kining makita ug madakpan ang pastor.
Alayon niini, gipasabot ni Eleanor Cardona, Executive Secretary sa KOJC nga wala silay plano nga mosukol sa mga mga otoridad kung maayo lamang kining moduol ug mohangyo kanila diin taliwas sa nahitabo kaniadtong Hunyo dyes kon diin daghanang mga bata ug indibidwal ang nangasamdam gumikan sa pagsukol niini sa mga otoridad human niini pwersahang gisulod ang mga propeyidad sa pastor bisan paman nga nihangyo na ang KOJC og pagsabot.
Una nang gikayon sa mga myembro sa KOJC nga andam kining protektahan ang Kingdom batok sa kinsa mang boot mosulod sa lugar nga walay abiso.
Kahinumdumang, gikanayon si Gen. Torre nga dili nagahawa sa traynta ektarya nga compound ang maong pastor ug sigon pa niini nga ginagamit lamang sa Pastor ang mga miyembro isip sangga niini aron dili masudlan sa mga kapulisan ug kasundaluhan ang mao nga compound.
Dugang pa ni Torre nga mao usab kini ang hinungdan nganong nalisdan sila sa pagsilbi sa arrest warrant batok kay Pastor Quiboloy ug sa mga kaubanan niini.
Dugang pa niini nga aduna pa silay nadawatang bag-ong impormasyon kalabot sa planong pagsulong pag-usab sa mga personahe sulod sa kingdom.
Gikataho sab nga mas daghan ang mosulong karong second wave ug plano matud pa sa kapulisan ug kasundaluhan nga magpabilin sulod sa maong lugar sulod sa usa ka buwan.
