Gipahayag ni Pangulong Ferdinand Marcos Jr., nga namugna na ang pinakadakong political block sa nasud homan sa paglagda sa alyansa tali sa Partido Federal ng Pilipinas (PFP) ug ang Nacionalista Party.
Kini na ang ikaupat nga alyansa nga gisulod sa PFP sa uban pang dagkong political party sa nasud.
Personal nga gilantaw ni Pangulong Marcos jr. ang signing ceremony nga gipahigayon sa Taguig City.
Matod pa ni PBBM, gikinahanglan nang sugdan ang paghan-ay sa mga pangalan nga modugang sa ilahang senatorial line-up.
Gikanayon pa sa Presidente nga ang angay ibutang ug iboto sa mga tawo ang dili politika ang gihuna-huna, apan unahon ang kaayuhan sa katawhan ug ang nasud Pilipinas.
Gipahayag pa niini nga mas mahimong kusgan ang pundasyon nga ang tumong mao ang paghatag ug maanindot ug maayo nga kinabuhi sa mga Pilipino.
Ginasinggit sa tanan ang panaghi-usa o unity, gumikan kay wala nay lugar ang walay pagsinabtanay gumikan kay dili makab-ot ang tumong kung dili magkasinabtanay.
