Gihatagan og score nga 7-8 sa usa ka political analyst ang bag-ohay lamang nga State of the City Address ni Mayor Sebastian “Baste” Duterte nga gipahigayon sa Rizal Park, ning dakbayan, kaniadtong adlawng Martes.
Sa pakighinabi sa Bombo Radyo Davao sa political analyst nga si Ramon Belleno III, gikabutyag niining dako ang improvement ni Mayor Baste sa pagpresenta sa mga programa ug proyekto sa lokal nga panggamhanan ngadto sa katawhan kon itandi kini sa SOCA niini kaniatong 2023.
Matud pa ni Belleno, daghang mga topiko ang nahisgutan sa mayor hilabi pa sa problema sa kadalanan gumikan na usab sa mga unfinished projects sa DPWH.
Apan bisan paman niini, aduna gihapon matud pay ginahulat nga detalye ang nahisgutan nga wala napalawman sa mayor susama na lamang sa problema sa mga pagbaha nga permi gayud makahatag og perwesyu sa mga dabawenyo.
Dugang pa ni Belleno, mas labing ika-maayo unta nga nakahatag usab og assurance ang mayor sa katawhan hilabi pa sa mga nasinatiang isyu sa syudad uban sa paghisgot sa mga pwedeng mahimo aron nga magpabilin kitang lig-on.
Hinoon, makonsidera gihapon niyang maayo ang SOCA sa mayor.
