Nanawagan si Senador Ronald “Bato” Dela Rosa kang Pangulong Ferdinand Marcos Jr. nga mubarog kung unsa ang posisyon niini sa imbestigasyon sa International Criminal Court (ICC) sa war on drugs.
Gikwestyon sa senador ang lahi-lahi nga posisyon sa mga miyembro sa kabinete sa pagtugot sa ICC probe sa war on drugs ni kanhi Pangulong Rodrigo Duterte, bisan nagsulti na ang Presidente nga wala niini giila ang jurisdiction sa ICC sa nasud.
Kung kahinumduman, gipahayag ni Solicitor General Menardo Guevarra nga dili babagan sa gobyerno ang pagpatubag sa ICC sa mga nalambigit sa maduguong drug war.
Gikumperma usab sa nahisgutang opisyal nga nangayo ug tabang sa gobyerno si ICC prosecutor Karim Khan aron estoryahon ang mga kanhi ug kasamtangang high ranking police officers nga nalambigit sa kamatayon sa libo-an ka tawo sa “Oplan Tokhang.”
