Subling nagpasaka ug petisyon ang kampo ni kanhi Negros Oriental 3rd District Rep. Arnolfo Teves Jr. sa gobyerno sa Timor Leste nga baliktaron ang unang desisyon nga pabalikon ang kanhi magbabalaod sa Pilipinas.
Sa kasamtangan, naglaum pa gihapon sila nga paburan sa Timor Leste ang ilahang petisyon.
Kung kahinumduman, gipaburan sa korte sa Timor Leste ang gipangayo sa gobyerno sa Pilipinas partikular na sa Justice Department nga ipabalik na sa Pilipinas si Teves.
Kung kahinumduman si Teves ang gitudlong utok sa pagpatay kang Negros Oriental Governor Roel Degamo ug sa siyam pa ka mga sibilyan nga nadamay sa pagpamusil.
Apan bisan paman niini, padayong gipanghimakak sa kanhi magbabalaod ang pagkalambigit niini sa pagpatay kang Degamo.
Samtang wala pay komento ang Department of Justice sa bag-ong petisyon nga gipasaka sa kampo ni Teves sa East Timor.
Unang gipahayag sa ahensya, mamahimong sa katapusang semana sa Hulyo mapabalik na sa nasud si Teves aron atubangon ang nagpatong-patong nga kasong pagpatay nga gipasaka batok kaniya.
