DAVAO OREINTAL- Gipahigayon ang turnover ceremony sa 2,800-seating capacity nga Gymnasium sa munisipalidad sa Lupon, Davao Oriental kagahapong adlawa.
Ang maong kalihukan ang gitambungan sa mga opisyal sa lokalidad sa pagpanguna ni Davao Oriental Gov. Niño Uy.
Ang bag-ong gymnasium, magsilbi usab nga evacuation center sa panahon sa mga emerhensya ug kalamidad, gawas sa mga aktibidad nga ipahigayon ilabi sa hisgutanang paugnat sa kusog.
Ang nasampit nga pasilidad, adunay sports equipment storage area, shower rooms, stepped audience seating, locker rooms, bleachers, viewing balcony,ug press room.
Sa kinatibuk-an nagkantidad ang maong proyekto nga mokabat sa P84,765,462 nga kini gipunduhan ubos sa Local Government Development Fund (LGDF) sa probinsyal nga panggamhanan ilawoms sa pagdumala sa Provincial Engineer’s Office.
