DAVAO REGION- Motamod sa direktiba ni Pang.Ferdinand Marcos Jr. ang kadumalaan sa PRO-11 mahitungod sa “bloodless” drug war sa kasamtangan nga administrasyon.
Subay sa paghinabi kang Police Regional Office XI Director PBrig. General Nicholas Torre nga ang direktiba sa pangulo tataw sumala pa ug wala na’y mga paghatag pa ug katin-awan sa nasampit nga pamahayag sa pangulo.
Dugang pa sa opisyal nga ilahang sundon ang maong mando ug gikanayon niini nga kanunay sumala pa kini ang ilahang tumong sa kasamtangan kabahin sa kampanya batok sa iligal nga droga.
Apan gipaklaro sab niini nga ang kapulisan ang kanunay usab nga mopatuman sa gitawag nga self-defense kung kini ang gikinahanglan nga subay kini sa Article 11 sa Revised Penal Code.
Gibarugan sa opisyal nga dili niini tugutan ang mga sakop nga mabutang sa risgo ang kinabuhi nga walay mahitabo nga pagdipensa sa ilahang kaugalingon.
Gipaklaro sab niini nga ang pamahayag sa pangulo nga ‘bloodless’ dili kini nagpasabot nga wala na’y himuon ang kapulisan sa mga panahon nga mabutang sa delikado ang ilahang sitwasyon.
Una ng gipasigarbo ni Pang. Marcos ang dakong pag-ubos sa drug-affected barangays sa tibuok nasud kung diin trayntay dos porsyento niini ang pagkunhod.
