Mas gipahugtan na karon ang seguridad sa Paris France alang sa umalabot nga Paris Olympics 2024.
Sumala pa ni Queenie Laude, Bombo International News Correspondent sa nasud France nga nagkatag na ang mga kapulisan ug kasundalohan sa maong lugar kung asa ginapatuman ang hugot nga seguridad aron sa pagseguro nga mahimong hapsay ang dagan sa maong event.
Dungan sab sa pagbantay sa seguridad mao ang pagdagsa sa daghanang turista nga boot mopakita og pagsuporta sa mga atletang Pinoy.
Hinoon, gipaklaro sa nahisgutan nga gikinahanglan ang QR code sa mga turista bago paman makasulod sa mga lugar kung asa mahitabo ang mga dula.
Kabahin niini, excited na ang daghanang Pinoy lakip na ang mga pamilya sa mga atleta nga maghatag og dakong pasidungog sa nasud.
Magsugod ang maong dula karong Hulyo 26, 2024.
