Andam na ang Bagong Alyansang Makabayan (Bayan) ug uban pang progresibong grupo sa ikatulong State of the Nation Address (SONA)ni Pangulong Ferdinand Marcos Jr. karong adlawa, adlaw nga lunes.
Magtapok ang nahisgutang grupo sa Commonwealth Avenue kung diin nag-converge ang nagkadaiyang sektor aron ihatod ang nakita sa tinuod nga state of the nation nga sukwahi sa madunggan sa sulod sa Batasan.
Dugang gipahayag ni Bayan President Renato Reyes nga lahi ang SONA nga madunggan sa dalan gumikan kay kini ang punto de vista sa katawhan.
Samtang nakakuha na usab sila ug permit sa Quezon City sa local government.
Samtang sa pikas nga bahin, giklaro sa hepe sa National Capital Region Police Office (NCRPO) nga dili overkill ang pagpakatag sa 23,000 ka mga sakop sa kapulisan ug uban pang force multipliers sa SONA.
Gipahayag ni NCRPO chief Maj. Gen Jose Melencio Nartatez Jr. nga anaa sa 2,000 ka mga VIPs susama sa mga opisyal sa gobyerno ug diplomats ang managtapok sa House of Representatives samtang 8,000 ka tawo usab ang gilaumang musalmot sa mga rally sa gawas sa Batasang Pambansa.
Tumong usab sa NCRPO chief nga mahimong seamless, smooth ug malinawon ang paghatod ug report sa nasud ni Pangulong Marcos jr.
