Nagpaguwa na og kamanduan ang lokal nga panggamhanan sa Magsaysay, Davao del Sur kalabot sa striktong regulasyon sa importasyon ug pagbaligya sa karne sa baboy aron malikayan ang pagsulod sa African Swine Fever (ASF).
Sa gipaguwa nga Exevutive Oder No. 09 series of 2024, nagmando kini sa pagbutang og Anti-African Swine fever ug Avian Flu Checkpoints sa mga nag-unang kadalanan sa moang lugar, tungod sa mga gibalitang pagkamatay sa mga baboy gumikan sa kaso sa ASF sa North Cotabato.
Sumala pa ni Magsaysay municipal mayor Ronnie Sarande, nga gipakusgan karon sa buhatan ang pagpaningkamot nga mamonitor ang pag-regulate sa pagsulod sa baboy, processed meat, ug poultry products sulod sa munisipyo.
Samtang ang mga produkto nga walay sulod nga baboy ang gitugotan nga “unrestricted movement and distribution” sa munisipyo. Apan alang sa mga produktong adunay karne, gikinahanglan kining ipa-ilalom sa heat treatment o di kaha hingpit nga lutoon.
Ang imported nga karne kinahanglan adunay sertipikasyon nga nagpamatuod sa nagikan kini sa mga lugar nga wala nataptan sa ASF, uban ang dokumento nga gi-issue sa National Meat Inspection Service (NMIS).
Alayon niini, nagtinabangay na ang Municipal Task force, Local Police, ug mga otoridad sa pagsalig nga hugtanong implementasyon sa maong kamanduan.
