Mitala ug world record ang 94-anyos nga lalaki sa Minnesota, USA nga pinakatigulang nga bus driver sa tibuok kalibutan.
Gikumperma sa Guinness World Records nga si Jim Oppegard ang kasamtangang naghupot sa world record sa titulong “World’s Oldest Bus Driver” gumikan sa edad niining 94-anyos.
Nagsugod sa pagmaneho ug bus si Oppegard sa edad nga 45 ug nagretiro kini sa edad nga 65, apan wala nagdugay ang retirement niini gumikan kay mibalik kini sa pagka-bus driver gumikan kay gipul-an na kini sa ilahang balay.
Gumikan sa iyahang edad, gikinahanglang makapasar kini sa tinuig nga physical exam.
Matod pa sa employer ni Oppegard nga Northstar Bus Lines, nakadayeg sila sa himsog nga panglawas sa 94-anyos.
Sa kasamtangan, nagmaneho ang nahisgutan ug school bus ug ang sweldo niini ang gipadala niya sa Christian ministry nga gitukod sa iyang anak sa Africa.
