Nakasinati og pagkalangay ug pagkansela sa daghanang byahe ang mga pasahero sa tibuok kalibutan gumikan sa epeto sa global technology outage, kagahapon.
Sumala pa nga ang maong outage ang dili lamang nakapekto sa mga tugpahanan kondi kalakip na sa mga bangko, telecommunications, televisionn systems, hospitals, ug daghanan pa.
Gumikan niini daghanang mga pasahero ug indibidwal ang nipadangat sa ilang kasuko ug pagkadismaya gumikan sa pagdugay sa ilang mga transactions.
Hinoon, pagpaklaro sa kompanya sa Cybersecurity nga CrowdStrike, ang maong isyu dili gumikan sa security incident o cyberattack.
Sumala pa nga nahitabo lamang ang maong problema human sa pagdeploy nila og sayop nga pag-update sa computer nga nagdumala sa Microsoft Windows.
Human matud pa mabantayan sa kompanya ang problema, nipadayon ang kahasol nga nahatag niini nga labing nakaapekto sa kadaghanan. Samtang dinhi sa Pilipinas, nagpaguwa og pamahayag ang Banko Sentral ng Pilipinas kabahin sa ilang hugtanong monitoring sa Global Microsoft and Crowdstrike outage.
Sumala pa nga adunay pipila ka mga pagkabalda sa ilang sistema apan ginapaningkamtan na nilang masulbad. Hioon ang BSP Peso Real time Gross Settlement System o PhilPassPlus ang wala naapektohan ug ang tanang settlements kalakip na ang PESONet, Instapay, ATM and checks ang malampusong nahuman kagahapong adlawa.
Gipasalig sab sa kompanya nga nagpabiling lig-on ug adunay alternatibong platforms nga ilang magamit alang sa mga inidbidwal ug negosyo.
Unang namatikdan ang isyu human sa gipaguwa nga advisory sa mga Airlines kabahin sa sistema niining naapektohan human sa Microsoft outage, susama na lamang sa pag-book, pag-check in, lakip na ang pag-access sa pipila ka mga flights.
Hinoon, gipasalig sa CrowdStrike CEO nga si George Kurtz nga padayong nagapaningkamot ang ilang buhatan alang sa pag-uli sa maong koneksyon uban sa pagpaklaro nga dili kini cyberattack o security incident.
