DAVAO CITY- Mokabat sa kapin 200 ka mga pamilya ang apektado sa pagbaha kagabii human sa kusog nga pagbundak sa ulan nga nasinati-an dinhi sa dakbayan.
Gilayon nga gipahigayon ang pre-emptive evacuation sa mga otoridad ngadto sa mga residente tungod sa pagbaha nga nisaka na sa mga panimalay sa mga ilabi na sa New San Isidro sa Buhangin proper ug ang Purok 4-A Sta.Marina, Brgy. Tigatto, ning dakbayan sa Davao.
Apektado sab ang dalan sa Laverna tungod sa pagsaka sa tubig baha sa karsada nga niabot na kini sa hawak sa tawo nga miresulta sa pagkadelatar sa byahe sa mga sakyanan.
Sumala pa sa office of the Civil Defense eleven nga adunay lima ka mga baranggay ang apektado sa pagbaha kagabii dinhi sa dakbayan nga gilangkuban sa Brgy. Buhangin Proper, Cabantian, Panacan,Anglionto ug Tigatto.
Gikanayon ni OCD 11 Ednar Dayanghirang nga walay naangol sa maong panghitabo apan padayon pa nga ginapabot usab ang report sa mga otoridad ilabi pa sa Laverna, adunay usa ka pick-up ang naanod sa baha.
Sa pagkakaron, padayon gihapon nga masinatian sa dakbayan sa Davao ug sa tibuok rehiyon ang mga pagpanag-om nga muresulta sa pagbundak sa ulan tungod sa Low Pressure Area (LPA).
Tungod niini nagapahinagno ang ahensya sa pagbinantayon sa posibleng pag baha o pagdahili sa yuta ilabi na sa mga low lying areas ug mga anaa sa daplin sa kasapaan ingon man ang ga lugar sa rehiyon nga natumbok sa MGB nga landslide prone areas.
