Ginapaandam sa National Disaster Risk Reduction and Management Council kon NDRRMC ang katawhan sa posibleng dala nga ulan sa duha ka naporma nga kadaot sa panahon sa palibot sa Pilipinas.
Usa niini ang anaa na sa sulod sa Philippine Area of Responsibility kon PAR, samtang ang usa ang anaa pa sa gawas sa atoang teritoryo.
Ang una ang active low-pressure area kon LPA nga nasiplatan sa sidlakang bahin sa Mindanao.
Posible matud pa nga kini ang mahimong bagyo ug ginapaabot nga magdala kini og pag-ulan ahngtod sa pagsulod sa mosunod nga semana, kong diin ma-atol kini sa State of the Nation Address ni Pangulong Ferdinand Marcos Jr.
Ang ikaduhang LPA usab ang naporma sa West Philippine Sea og dili na makonsidera nga bahad sa nasud tungod anaa na kini duol sa nasud Vietnam.
Bisan pa man niana, aduna poy ginabantayang cluster of clouds sa Pacific Ocean. Nagpabilin pa kini sa gawas sa Philippine Area of Responsibility ug padayon pa kining ginaobserbahan kong mahimo ba kining LPA sa mosunod nga mga adlaw.
Sa kasamtangan, natala na ang nasinatiang pag-ulan dinhi sa Davao Region, CARAGA, Eastern Visaya ug pipila pa ka bahin sa Bicol Regiob tungod sa weather disturbance formation nga anaa sa atoang teritoryo.
