Imbis nga ilayo sa tinuod nga isyu, gikanayon sa usa ka Manila solon nga kinahanglang atubangon ug tubagon sa pamilyang Duterte ang matud pa pagkalambigit niini sa extrajudicial killing kon EJK sa 27,000 Pilipino atol sa implementasyon sa war on drugs campaign sa milabayng administrasyon.
Gipunting ni Manila Representative Joel Chua nga milutaw ang mga saksi, sama ni kanhing Police Colonel Eduardo Acierto sa pagdungog sa Kongreso ug gilambigit sa kanhing Pangulong Rodrigo Duterte ug mga kaduol kaniya nga kaalyado niini sa ginadili nga tambal.
Buot ni Chua nga makakuha og categorial answer ilabi na ug direkta matud pang giingon ni Acierto nga si Duterte ang protektor ni Michael Yamg, ang kanhing economic adviser sa kanhing Pangulo nga gina-akusahang usa ka drug lord.
Una ng gimando sa House Committee on Dangerous Drugs ang pagdakop kay Yang nga migawas ang pangalan sa gimugna niining imbestigasyon kalabot sa nasakmit nga P3.6 bilyon nga shabu sa usa ka warehouse sa Mexico, Pampanga.
Gawas kay Acieto, migawas usab ang self-confessed nga kanhing miyembro sa Davao Death Squad nga si Arturo Lascañas nga giakusahan ang kanhing Pangulo nga usa ka kanhing drug lord ug mao ang nagpatuman sa matud pa peke nga drug war kon diin 27,000 ang mga Pilipino nga napatay.
