Nagpabiling lig-on ang China nga dili ilhon ang legalidad sa 2016 arbitral ruling nga nagpalig-on sa exclusive economic zone kon EEZ sa Pilipinas sa West Philippine Sea nga gitawag nga ‘illegal ug invalid’ ang maong hukom.
Matud pa sa tigpamaba sa China Embassy sa Pilipinas nga miapil ang Pilipinas sa ubang nasud sa “ganging up” batok sa China kalabot sa maritime row tali sa duha ka nasud.
Kahinumdumang niadtong adlawang Biyernes, gihinumdom sa nasud Pilipinas ang ‘landmark ruling’ sa walo ka tuig nang milabay nga gihukom sa international arbitral tribunal sa The Hague ug nagkanayon nagpabilin ang nasud nga committed sa rule of law ug buot mapalinaw ang kagubot sa West Philippine Sea.
Giila usab sa Pilipinas ang suporta sa international community lakip na sa Group og Seven nga gilangkuban sa Canada, France, Germany, Italy, Japan, United Kingdom, ug Estados Unidos ug sa International Tribunal for the Law of the Sea.
Bisan pa man niini, giinsister gihapon sa China nga sala sa Pilipinas ang nagkagrabeng tensyon sa gina-awayang kadagatan.
