DAVAO CITY- Giawhag karon sa lokal nga panggamhanan sa dakbayan ang mga nagkadaiyang local government offices ug non-government and public organizations nga makighiusa sa pagsaulog sa Disability Week sa dakbayan, gikan Hulyo 14-20, ning tuig kasamtangan.
Kini kabahin sa pagsaulog sa ika-46th nga National Disability Prevention and Rehabilitation Week sa syudad nga nahisubay sa Presidential Proclamation No. 1870 series of 1979 nga giamyendahan sa Presidential No. 361 series of 2000 nga ginasaulog matag tuig.
Sumala pa nga kabahin ang maong selebrasyon sa pag-ila sa pagpaningkamot sa national government nga magpasiugda og mga programa ug kaayohan alang sa mga Persons with Disabilities (PWDs) nga adunay temang Promoting Inclusion:Celebrating Abilities and Advocating Access karong tuiga.
Alayon niini giawhag sal okal nga panggamhanan ang publiko sa pag-apil sa mga ipangtanyag nga aktibidad kalabot sa pag-obserba sa maong pag-ila.
Laraw karon sa syudad nga mohatag pa og suporta pinaagi sa pagtanyag og mga programa, proyekto, ug serbisyo nga makahatag og kaayohan sa mga PWDs.
