Gibutyag ni Mayor Sebastian “Baste” kagabii atol sa paghinabi kaniya sa mga media nga ang baG-ong gituboy nga Acting City Director sa Davao City Police Office (DCPO) acting City Director Col. Hansel M. Marantan ug ang bag-ong Police Regional Office 11 (PRO 11) Director nga Brig. Gen. Nicolas Torre III ang adunay mga kontrobersiya sa nakalabay nga panahon.
Sumala pa ni Baste nga kung aduna ma’y mahitabo dinhi sa syudad, dili na sumala pa siya makurat. Dugang pa sa mayor nga daghan na sumala pa ang gitawag niini nga extraordinary movements nga nahitabo sa kapulisan dinhi sa syudad ug sa rehiyon.
Giangkon usab sa mayor nga nalibog siya human sa kalit nga kausaban sa liderato sa syudad sa Davao sa kapulisan.
Pagpaklaro pa niini nga una na sumala kining nasayod nga gituboy si Col. Lito Patay, apan wala sumala pa siya gipahibalo mahitungod sa rason, luyo sa kalit nga kausaban.
Gikanayon usab niini nga iyahang girekomenda si Col. Patay apan wala kini gikonsulta sa pagpuli kaniya ni Col. Sherwin Butil, nga anaa sa shortlist.
Giangkon usab niini nga ang bag-ong labaw sa DCPO dili niya sinati ang pagkatao usab niini.
Iyaha sab nga gibatikos ang proseso nga gihimo sa kapulisan nga sumala pa sa Mayor, angay unta nga kabahin ang mayor sa pagpili sa bag-ong city director ug mohatag sa shortlist sa mga kandidato sa maong posisyon nga isip usa ka amahan sa syudad siya ang angay unta nga mopili kung si kinsa ang ituboy nga City Director.
