Kabsan sa kinabuhi ang dili mu ubos sa onse ka mga tawo, samtang 35 pa ang mga nangawala, human ang kusog nga ulan nga maoy hinungdan sa pagdahili sa yuta duol sa usa ka ilegal nga minahanan ug bulawan sa isla sa Sulawesi, Indonesia, nga diin mao kanay gibutyag sa usa ka opisyal niadtong lunes.
Sagad ang mga dili lisensyadong minahan ang anaa sa tibuok bahin sa Southeast Asian nga buhong sa mineral, nga diin ang mga ginapang-abanduna nga mga site maoy ga attract sa mga lokal nga nagapangita ug mga salin-salin nga mga bulawang ore nga walay saktong mga ekipo nga mu protekta unta sa ilahang kaugalingon.
Miigo ang pagdahili sa yuta, didto sa mga hilit nga dapit sa distrito sa Bone Bolango nga sakop usab sa Gorontalo niadtong adlawng Sabado, gumikan kini sa kakusug sa ulan nga maoy hinungdan sa pagkakalas sa kinabuhi sa onse ka mga indibidwal.
Pipila sa mga biktima maoy mga minero, samtang ang uban maoy operator sa mga stall duol sa maong minahan.
Ang nasud Indonesia, maoy usa sa mga nasud nga sagad mahigayon ang pagdahili sa yuta sa panahong ting-ulan.
