Gipahayag sa Department of Agriculture (DA) nga palapdan pa niini ang pagbaligya ug P29 matag kilo sa programang bugas alang sa hinay nga sektor sa Southern part sa nasud sa mosunod nga duha ka bulan.
Tumong niini nga palapdan ang ihap sa mga Kadiwa nga mitanyag ug P29 nga bugas sa umaabot nga semana ug lugwayan ang network niini sa Visayas ug Mindanao sa katapusan nga bahin sa bulan sa Agusto o unang bahin sa bulan sa Septyembre, inabagan sa mga local government units, kooperatiba, mga mag-uuma ug pribadong negosyo.
Unang gipahayag ni Agriculture Secretary Francisco Tiu Laurel Jr. nga dungang gilusad sa DA ang dakong pagsulay sa pagbaligya ug bugas sa National Food Authority (NFA) buffer rice stock sa kantidad nga P29 matag kilo sa 10 ka mga Kadiwa sites sa Metro Manila ug Bulacan.
Ang P29 matag kilo sa bugas ang magamit lamang sa mga benepisyaryo sa 4Ps, senior citizens, PWDs ug solo parents.
