Gikumpirma sa Taiwanese Maritime Authorities nga giharang sa 2 ka Chinese vessels ang usa ka Taiwanese fishing vessel nga Tachinman 88 niadtong milabayng adlaw duol sa Kinmen archipelago sa gamay lamang ang distansya gikan sa baybayon sa China apan kontrolado kini sa Taiwan.
Misakay matud pa ang mga personahe sa Chinese Coast Guard sa maong bangka sa Taiwan ayha kini gidala sa usa ka dungguana sa mainland China.
Dali usab nga nagdeploy ang Taiwan og 3 ka barko aron irescue ang Tachinman 88 apan usa niini ang nakabuhat sa pagduol sa fishing boat ug giharang ang Chinese Boats ug miingon nga dili mag apil-apil.
Napugsang ihunong sa bahin sa Taiwan ang pagrescue sa maong fishing boat aron malikayan nga mutaas ang tensyon human madetect nsa Taiwan Martime Authorities ang 4 pa ka Chinese vessels nga nagpaduol sa ilahang direksyon.
Sa usa ka pamahayag nanawagan usab ang Taiwan Coast Guard sa China nga likayang malambigit sa political manipulation ug likayang makadaot ang cross-strait relations ug buhian na ang Tachinman ship ug crew sa daling panahon.
Sumala sa Official News Agency sa Taiwan nga adunay sakay nga 6 ka crew anf maong fishing boat lakip na ang kapitan og 5 ka migrant workers.
Wala pa usab naklaro ang hinungdan sa nahimong aksyon sa CCG apan kini ang matud pa ang adunay kalabutan sa tensyon nila tali sa Taiwan nga ginaangkon niining bahin sa ilahang teritoryo.
Kahinumduman nga niadtong Pebrero ning kasamtangan tuig, gipalig-on pa sa China ang pagpatrolya sa maong katubigan human nga malunod ang 2 ka mananagat nga Chinese samtang ginagukod kini sila sa Taiwanese Coast Guard sa may kadagatan sa Kinmen.
