Naapektuhan sa El Niño ang mosobra sa 6 milyong indibiduwal sa nasud, matod pa sa datos sa Department of Social Welfare and Development (DSWD).
Hangtod sa sa Hunyo 30, anaa sa 6,088,057 ka tawo o mukabat sa 1,585,826 pamilya ang apektado sa 7,697 ka mga barangay.
Ang mga nahisgutan ang nagagikan sa Ilocos Region, Cagayan Valley, Central Luzon, Mimaropa, Bicol Region, Western Visayas, Central Visayas, Eastern Visayas, Zamboanga Peninsula, Northern Mindanao, Davao Region, Soccsksargen, Caraga, Cordillera Administrative Region, ug Bangsamoro.
Gipahayag sa DSWD nga nahatag na ang mosobra sa P672.2 milyong kantidad sa humanitarian assistance sa mga apektado.
Samtang adunay P2.4 bilyong available nga relief resource nga gilangkuban sa P2.3 bilyong kantidad sa food ug non-food items ug P101.7 milyong kantidad sa standby funds.
