DAVAO CITY- Nasuta na sa kapulisan ang hinungdan sa kamatayon sa usa ka lalaking gipusil patay kagahapong adlawa pasado alas onse sa buntag sa Circumferential Road, Bacaca, Brgy. 19-B ning syudad sa Davao.
Sumala pa sa otoridad, dunay mga nangutang sa biktima ug iyaha kining gipasakahan og kaso sa korte kagahapon, ayha kini misakay og taxi padulong sa Ladislawa ning dakbayan.
Kahinumdumang gikumpirma sa mismong kabanay niini nga ang biktima giilang si Leopoldo Gonzaga kansang gipusil-patay samtang padulong unta ang gisakyan niining taxi sa may Ladislawa nga dapit.
Ang maong mga suspetsadong nagpaluyo niini ang ning kasamtangan wala gihapon mailhi, diin base sa inisyal nga imbestigasyon sa kapulisan, riding-in-tandem kini sila nga daling misibat human sa pagpamusil sa biktima.
Nagpadayon usab karon ang imbestigasyon sa San Pedro Police Station aron masuta ang motibo sa pagpamusil og ma-ilhan na ang nagpaluyo niini.
