DAVAO CITY- Gibana-banaan nga mokabat sa Php.166,250 ang kinatibuk-an nga danyos sa nahitabong sunog Purok 16, Sto. Niño, Barangay Crossing Bayabas, Toril, ning dakbayan sa Davao.
Subay sa inisyal nga imbistigasyon sa mga otoridad, pasado alas dosi ang takna sa udto sumala sa usa ka FLORENDO P. BERNANTE 43-anyos nga residente sa nasampit nga lugar nga niatong tungura naniudto sila uban ang uyahang pamilya apan iyahang nabantayan nga adunay nagkalayo nga bahin sa iyahang silingan nga si ELEN BIBAT, usa ka byuda.
Gumikan sa maong panghitabo, dali kining mibakwit sa ilahang gipuy-an ug nangayog tabang ug nanawag sa central 911.
Taud-taud, miresponde sab ang mga kabomberohan kabahin sa paspas nga pagkuyananp sa kalayo hangtod nga nadeklara kini nga fire-out pasado ala-una ang takna sa hapon.
Sa pagpanubay sa mga otoridad adunay katorse (14),ka mga balay ang ugdaw samtang ang tulo ang partially damage.
Sa pagkakaron padayon pa nga ginasuta sa kabomberohan ang hinungdan sa sunog samtang subay sab sa mga nanggawas nga mga hinungdan sumala pa sa mga tagbalay sa nasampit nga dapit nga matud pa butane nga nabiyaan atol sapagluto nga dayon sab karon nga gisubay sa otoridad.
Paspas sab nga mukuyanap ang kalayo gumikan sa mga light materials sagad gama ang mga panimalay. Mokabat sab sa 19 ka mga pamilya ang apektado sa sunog.
