DAVAO CITY – Nagpahibalo karon ang City Transport and Traffic Mangement Office ngadto sa mga motorista alang sa temporaryo nga pagsirado nga ipatuman sa pipila ka mga kadalanan dinhi sa dakbayan.
Subay sa gipaguwa nga abiso sa maong buhatan, temporaryo nga sirad-an ang ROXAS AVE road gikan sa Artiaga St. padulong sa C.M.Recto Ave. ugmang adlawa alang sa gikatakda nga pag-obserba sa EID’L ADHA kon Feast of Sacrifice nga magsugod sa alas kuatro sa buntag hangtod nga mahuman ang selebrasyon.
Tanang mga behekulo nga gikan sa Ponciano St. ug C.M.Recto Ave. padulong sa Quezon Blvd. mamahimong mogamit sa Jacinto St., nga moliko sa Artiaga St. o dili kaha sa Padre Faura St. ug moliko pawala sa Roxas Ave. Samtang tanang sakyanan nga gikan sa Quezon Blvd. padulong sa Ponciano St.,Maharlika Highway ug Quirino Ave. ang moagi sa Jacinto St.,Guerrero St. ug Juan dela Cruz St.,pawala sa Magsaysay Ave.
Sa tanang mga sakyanan nga gikan sa C.M. Recto Ave. (Claveria) padulong sa Roxas Ave., ang mamahimomg mogamit sa Palma Gil St., unya paliko sa wala padulong sa De Jesus St.,dayon paliko sa tuo padulong sa Mabini St., ug dayon paliko sa wala padulong sa Artiaga St. o Padre Faura St., dayon paliko sa tuo padulong sa Roxas Avenue.
