Mag-loan ang Pilipinas og ¥64.38 billion kon P24.57 billion sa Japan alang sa pagdisinyo, konstraksyon, ug pagdeliver sa lima ka units nga 97-meter multi-role response vessels kon MRRVs gikan sa nasangpit nga nasod.
Alayon niini, gipermahan na nila ni Department of Finance (DOF) Secretary Ralph G. Recto ug Japan International Cooperation Agency (JICA) Chief Representative Takema Sakamoto ang Phase III sa Maritime Safety Capability Improvement Project for the Philippine Coast Guard (PCG) karong adlawa.
Ilawom sa maong kasabutan, adunay porsento nga 0.30 percent per annum ang maong utang alang sa mga non-consulting services ug 0.20 percent per annum alang sa mga consulting services, ug kinahanglan usab kining mabayaran sa Pilipinas sulod sa 40 ka tuig, labot na niini ang napulo ka tuig nga grace period.
Lakip usab sa maong kasabutan ang lima katuig nga Integrated Logistics Support (ILS) arun mapaniguro ang pagpadayon ug ka-andam sa operasyon sa multi-role response vessels (MRRVs).
Sumala ni DOF Secretary Ralph G. Recto nga pinaagi sa maong loan, mas mapalambo pa niini ang infrastructure modernization program sa nasod, gawas pa nga mapalig-on niini ang seguridad sa Pilipinas.
