DAVAO CITY – Giandam na ang cauldron nga pagagamiton alang sa naghinapit nga Davao Regional Athletics Association kon DAVRAA Meet 2024 nga ipahigayon karong Abril 1 hangtod 7, ning dakbayan.
Base sa mga litrato nga gipaguwa sa social media, nahulma ang maong cauldron sa usa ka bunga sa durian nga nagsimbolo sa Davao City nga host city karong tuiga.
Samtang, unang nagsing-abot ang mga atleta gikan Mati City Eagles delegation kagahapong adlawa sa Magallanes Elementary School nga gisundan sa pag-abot sa mga atleta ug ubang delegado sa Davao Occidental Slashers diha sa ilang billeting school nga Maa National High School dinhi sa Davao City.
Mukabat sa kain kulang 7,000 ka mga delegado ang lauman nga magtapok dinhi sa Davao City alang sa maong sporting event nga gilangkuban sa mga atleta, coaches, chaperone ug daghanan pa gikan sa 12 ka mga school divisions sa tibuok rehiyon.
