DAVAO CITY – Gipasalig sa Police Regional Office 11 nga walay pagpabor-pabor ang mamahimong pagpasikop kang Kingdom of Jesus Christ founder Pastor Apollo Quiboloy nga na-cite for contempt gumikan sa wala pagsipot sa mga Senate hearing mahitungod sa mga gikalambigitan niining kaso.
Gikanayon ni PRO 11 Spokesperson PMaj. Catherine dela Rey nga wala pay nadawat nga mandato ang Pulis Dabaw gikan mismo sa National Headquarters sa PNP alang sa pagpasikop kang Quibuloy.
Apan pagahuptan gihapon sa PRO 11 ang pagsunod sa mga mandato niini taliwala pa man sa pagkabantog sa maong religious leader.
Gikumpirma sab nga wala pay nadawat nga hangyo ilabi na sa Davao City Police Office alang sa dugang seguridad kang Quibuloy.
Kahinumduman nga kagahapon, Pebrero 5, subay sa mando ni Senate Deputy Minority Leader Risa Hontiveros, gi-awhag ang Senate President Juan Miguel Zubiri nga pirmahan ug magpagawas og arrest warrant batok sa kontrobersyal nga leader sa sekta gumikan sa wala gihapon kini mitungha sa hearing karong adlawa kabahin sa mga pagpangabuso ug human trafficking.
Gipirmahan na usab ni Justice Secretary Jesus Crispin Remulla ang Precautionary Hold Departure Order batok kang Quiboloy.
via || Bombo LJF
