DAVAO CITY – Mikabat sa 17 ka mga balay ang gitupok sa dagkong kalayo nga nahitabo sa may Padre Gomez St., Brgy. 34-D, Davao City, bandang alas-4 sa hapon kagahapon.
Sumala pa, paspas nga nikatag ang kalayo nga gikatuohang nagsugod sa usa ka live wire nga naigo sa atop ug napalid kusog nga hangin.
Kasagaran sab sa mga balay ang dikit-dikit ug gama lamang sa mga light materials. Gibana-banaang mikabat sa 20-25 ka mga pamilya ang apektado sa maong sunog nga kasamtangan pang gihikling sa evacuation area sa barangay.
Giimbestigahan pa sa BFP Davao ang maong insidente.
Samtang nagapahigayon sa assessment ug interview ang mga social workers sa City Social Welfare and Development Office sa mga residenteng nasunugan.\
Sa karon, temporaryong mibakwit ang mga apektadong pamilya sa Kapitan Tomas Monteverde Sr. Central Elementary School Gymnasium.
Temporaryo sab nga naghuot ang dagan sa trapiko kagahapon partikular na sa may C.M. Recto Avenue (Claveria) gikan kanto San Pedro Street paingon Roxas Avenue apan nahimong passable kini bandang alas-6 kagabii.
via || Bombo LJF
