DAVAO CITY – Nagpaalim sa balay-tambalanan ang usa ka katorse anyos nga estudyante nga naangol human kini nabangaan sa usa ka PUJ samtang nagtabok sa pedestrian kagahapon bandang alas 6:50 sa buntag sa Km. 5, Buhangin, Davao City.
Giila ang biktima nga si Cloud Djoanielle Hernandez, usa ka babayeng estudyante sa Lamb of God Special Education Academy Of Buhangin, ug nagpuyo sa Deca Esperenza, Tigatto Davao City.
Sumala pa nga padulong sa iyang skwelahan ang maong babaye human nga gi-lift kagahapong ang class suspension sa dakbayan human sa gihimong rapid assessment sa mga personahe sa City Engineers Office human sa nahitabong 7.4 nga linog.
Saysay sa drayber sa jeep nga giilang si Sabino Cuambao, hamtong ang pangidaron, nga samtang naglawig ug anaa siya sa inner lane sa sa maong lugar, aduna kini gisundan nga jeep kinsa anaa sa outer lane nga kalit nihunong human nabantayan nga adunay batang babaye nga nitabok, apan tungod kay blind spot matud pa kini kaniya, wala niya nakita ang maong bata hinungdan nga nabangaan kini sa kilid nga bahin sa iyang jeep.
Sa karon, anaa na sa Bajada PNP ang nakaligis sa biktima.
