DAVAO CITY – Nakig-rambol ang unom ka mga lumad sa nahitabong komosyon sa Agdao Flyover, Agdao, Davao City, niadtong Biyernes, Disyembre 2 sa gabii.
Sumala sa taho sa Sta. Ana PNP, giila ang mga dinakpan nga sila Utoh Gibang, 28 anyos; Oriting Gibang, 28 anyos; Sindoy Gibang, 31 anyos; Dante Gibang, 32 anyos; Sarit Anday, 27 anyos; ug Sonny Boy Talua, 26 anyos; pulos mga residente sa Brgy. Dagohoy, Talaingod, Davao del Norte.
Mismong ang tribal leader ang nagpa-blotter sa kapulisan mahitungod sa maong instant rambol.
Rason sa maong eskandalo ang wala nabayaran nga utang sa usa ka Noli Tulikay ngadto sa usa ka Lesoro Talua.
Nasayran nga kalit nawala ang nahisgutan ug wala nabayaran ang maong utang, hinungdan sa kumpruntasyon nga nagresulta sa ilabihang komosyon.
Tingkagol karon ang mga nadakpan sa Sta. Ana PNP samtang gilusad ang dugang pang imbestigasyon.
via || Bombo LJF
