DAVAO CITY – Gipangulohan usab ni PBBM ang paghatag og mga tseke ug mga titulo sa yuta alang sa mga benepisyaryo sa Comprehensive Social Benefits Program (CSBP) sa gipahigayong “Pagpupugay sa mga Bayani ng Bansang Makabayan (PBBM)” karong adlawa dinhi sa dakbayan sa Dabaw.
Sa nahimong mensahe sa Pangulo, gipahayag ni Pangulong Ferdinand Marcos Jr. giila sa gobyerno ang dakong kontribusyon nga nahabilin sa mga nangamatay nga uniformed personnel. Samantala gipahayag ni Darean Dyn Camilosa, asawa sa usa sa namatay nga sundawo, nga dako ang pasalamat niini gumikan matud pa sa tabang matud pa nga nadawat alang sa upat niining nahabilin nga anak .
Anaa sa 300 ka pamilya/ benepisyaryo ang nakadawat og 500,000 pesos nga tabang pinansyal, titulo sa yuta, ug mukabat sa 450,000 pesos nga cash alang sa housing construction. Lakip sa mga benepisyaryo sa CSBP ang mga pamilya nga myembro sa AFP, PNP, BJMP, BFP , PCG ug Citizen Armed Forces Geographical Unit (CAFGU) Active Auxiliary (CAA) units nga nakasaban sa ilang kinabuhi o nasamdan samtang anaa sa ilang operasyon.
Sukad 2016, ang programa nakahatag og anaa sa kinatibuk-ang P468.75-million nga special financial assistance; ug P308.45M nga kantidad alang sa pabahay.
