DAVAO CITY – Mupatuman og one time refund ang Davao Light and Power Company Inc. (Davao light) sa ilang residential customers og Php 3.37 matag kilowatt/ hour enery consumption alang sa Agosto 11 ngadto sa Septyembre 10,2023.
Kini gumikan sa over-recoveries nga pass-through charges gikan Enero Hangtud Hunyo ning tuiga.
Sumala ni Rodger Velasco, president ug chief operating officer sa Davao Light, ang nasangpit nga kantidad ibalik kini diin muabot og Php 675 ang makuha nga refund alang sa mga konsumante nga gakunsomo og 200 kwh.
Sumala pa, usa kini ka maayung balita alang sa mga konsumidor tungod human sa reduction niadtong bulan sa Hulyo, masundan usab dayun kini og refund diin ikaltas kini sa musunod nga bill.
Giklaro usab ni Velasco nga human sa refund gikan Agosto 11 hangtud Setyembre mubalik lang usab kini sa regular rate human sa refund.
Makadawat usab og refund ang ubang konsumante depende kung asa na class nahilakip ang kini.
Ang nasangpit ng refund nunot sa Energy Regulatory Commission (ERC) Resolution No. 14 of 2022
kon diin girebisa niini ang pulisiya sa over ug under recovery sa pass-through charges nga makolekta sa distribution utilities.
Gipahimangnoan na lamanh sa buhatan ang publiko nga ang presyo sa merkado pabag-o bag-o busa lauman usab nga adunay mga pabag-o sa presyo sa kuryente matag bulan.
