DAVAO CITY – Naghinaot ang Environmental Planner sa Interfacing Development Interventions for Sustainability kon IDIS nga si Lemuel Manalo nga mabutangan og mga karatola sa lokal nga kagamhanan sa Davao ang Coastal Road Bypass Project nga mao’y magsilbing giya ug pahinumdom sa tanan nga gikinahanglan ilabay ang basura ug di kini ilabay bisan asa labaw na sa mga pampublikong dapit.
Dugang pa ni Manalo nga gikinahanglang magdeploy og mga personahe nga maoy mubadlong ug magpahinumdom sa tanan nga di ilabay ang basura bisan asa.
Sumala pa sa usa ka pagtuon, taas matud pa ang awareness kon kahibalo sa mga tawo sa RA 9003 kon Ecological Solid Waste Management.
Apan, adunay mga pipila ka mga rason og nganong daghan gihapon ang magbilin sa ilang mga basura dili lamang sa Coastal Road lakip na sa lain pa nga mga dapit sa dakbayan.
Nunot sa daghang ordinansa og mga balaod nga gipatuman sa atoang dakbayan, wala matud pay gahom ang lokal nga kagamhanan nga pasobraan ngadto sa P500 ang multa sa kinsa man ang mapamatud-an nga nagbilin ug naglabay sa ilang mga basura bisan asa labaw na og pampubliko nga mga dapit.
via || Bombo DDB
