DAVAO CITY – Nabalaka ang usa ka marine biologist kabahin sa pagkaguba sa mga corals sa gitukod nga pantalan alang sa Samal Island-Davao City connector.
Nasayran ni Dr. John Lacson, usa ka marine biologist ug doctorate sa biological science gikan sa University of Texas nga nasulod sa buhing mga korales sa Paradise Reef ang metal frames sa ancillary port kon pantalan, nga gihimo aron sa pagdiskarga sa mga bug-at nga ekipo.
Sumala pa nga ang konstruksyon sa Samal bridge project ang nakalapas sa Philippine Fisheries Code, nga nag-ingon nga supak sa balaod alang sa bisan kinsang tawo, entidad, o korporasyon ang pagbuhat sa mga aktibidad nga makadaot sa mga coral reef.
Kahinumduman nga unang gihingusgan sa pamilyang Lucas-Rodriguez, nga nanag-iya sa Paradise Island Park and Beach Resort ug sa kasikbit nga Costa Marina resort, ngadto sa Department of Environment and Natural Resources (DENR) nga suspensuhon o kanselahon ang environment compliance certificate (ECC) tungod sa mga nahisgutang kalapasan.
Gitumbok sa mga abogado sa pamilyang Lucas-Rodriguez nga ang pagtukod sa pantalan ang gikatun-an nga dili usa sa mga aktibidad nga gitumbok sa Environment Impact Assessment (EIA) report sa proyekto.
Ang pagguba sa mga corals, usa ka paglapas sa Section 96 sa Revised Philippine Fisheries Code.
Gikutlo usab sa law firm nga magresulta sa dugang pang kadaot ang maong illegal construction sa pantalan.
via || Bombo LJF
