DAVAO CITY – Patay ang usa ka myembro sa Cafgu human nga nabanggaan kini sa usa ka motorsiklo samtang nagsubay sa dalan sa Sitio Camarag, Brgy Tambobong, Baguio District pasado alas 10;00 ang takna kagahapon.
Naila ang biktima nga si Arnolfo Fulgencio, 45 -anyos nga taga Brgy. Tambobong, samtang ang nakabangga naila nga sila John Paul Malinao,18-anyos nga taga Brgy. Baguio proper ug dunay angkas nga 17-anyos.
Sa report gikan sa traffic section sa kapulisan, ang duha ka mga motorsiklo ang nagbyahe sa managlahing direksyon sa nasampit nga lugar apan kalit sumala pa nga sa miabot sa pikas nga lane ang gimanihong xrm nga motor sa 18-anyos sa kurbada nga bahin hinungdan sa pagkabangga niini sa motor sa Cafgu nga yamaha.
Gitabang pa sa mga miresponde nga personahe sa central 911 ang Cafgu apan wala na masalbar pa ang kinabuhi niini tungod sa pagkabunal sa semento nga bahin sa karsada. Samaran sab si Malinao ug ang angkas niini atol sa maong apanghitabo.
