DAVAO – Tukion sa Energy Committee karong Mayo 24, ning tuig ang sagunson nga power interruptions sa Samal Island nga ning kasamtangan, gipailawom na sa state of calamity.
Matud pa sa Chairman sa Committe on Energy nga si Senator Raffy Tulfo, ipatawag nila ang Davao Electric Cooperative (NORDECO) nga maoy gitudlo nga responsable sa energy crisis sa isla gumikan sa hilabihang kakaraan sa mga pasilidad sama sa 43 anyos nga submarine cable nga hangtod karon wala pa nailisdan.
Dugang pa, wala usab nagdahom ang ang Nordeco sa padayon nga pagsaka sa tourist arrivals sukad nailhan ang turismo sa isla nga maoy hinungdan sa pagsaka sa demand sa kuryente.
Pinaagi sa imbestigasyon ang mahatagan og solusyon ang problema sa suplay sa kuryente sa nahisgutang bahin ug mahatagan usab og long term solution ang sagunson nga power outages nga molungtad ug walo ka oras kon peak load ug tulo ka oras kon off peak.
