DAVAO CITY – Naglusad og clean up drive ang lokal nga panggamhanan sa probinsya sa Davao de Oro atol sa pagpanukad sa pagsaulog sa Ocean Month karong bulana.
Dungan nga gilimpyuhan sa mga opisyal ug residente ang mga kabaybayonan sa Brgy. Pindasan, Mabini, samtang gisalom sa mga Scubasureros ug ubang grupo ang kadagatan sa maong baybayon aron makakolekta og mga basura.
Nagkahiusa sab sa pagpananom og mga coral reef ug dungang nagdonar og P16,000 nga kantidad alang sa pagmuntar og artificial coral reef frames alang sa pagpadaghan sa mga isda ug ubang nilalang sa kadagatan.
Gilusad ang maong aktibidad isip kabahin sa Kopiat 2.5KM Open Water Swim and Explore nga ipahigayon karong adlawa, Mayo 7, sa Brgy. Pindasan, Mabini, Davao de Oro.
via || Bombo LJF
