DAVAO CITY – Gibutyag sa NBI 11 nga dunay pay laing biktima nga gilugos sa sakop sa Philippine Coast Guard nga si Khalid Abdullah.
Gikanayon ni NBI 11 Regional Director Atty. Archie Albao, nakadawat og tawag ang ilang buhatan gikan sa laing freelance model nga buot mupasaka og reklamo batok sa akusado.
Kasamtangang nag-awhag ang ilang buhatan ngadto sa pamilya sa laing biktima sa pag-file og reklamo batok kang Abdullah.
Nasayran sab nga gipaningkamutan ni Abdullah nga mangayo og pasaylo sa mga pamilya sa duha ka mga biktima nga iyang gihilabtan nga pulos mipatim-aw sa NBI 11 batok sa dinakpan niadtong mga niaging simana human sa iyang pagkasikop niadtong Abril 22.
Kasamtangang nag-awhag ang buhatan nga magpasaka og reklamo ang mga nabiktima sab sa maong akusado.
Kahinumdumang gipresenta sa NBI 11 si Abdullah niadtong Abril 24 human nahitabo ang operasyon alang sa iyang pagkasikop samtang gikustodiya nila karong panahuna ang maong akusado.
via || Bombo LJF
