DAVAO CITY – Usa ka patayng lawas ang naplagang nag-lutaw lutaw sa mga kadagatan sa Malalag, Davao Del Sur ug Sta. Maria, Davao Occidental.
Sunala sa taho sa Sta. Maria Municipal Police, nakita sa mga mananagat ang patayng lawas ug gilayon nila kini og tawag sa mga personahe sa Philippine Coast Guard ug ilaha kining gihaw-as ngadto sa baybayon sa Sitio Sulok, Brgy. Tanglad, Sta. Maria.
Nasayran sa kapulisan nga usa kini ka lalaki nga gibana-banang anaa sa kapin kulang nga 5’4 ang gitas-on, dunay markang “x” sa ubos sa iyang wala nga mata, naka-short og itum, ug kolor grey ang pang-itaas na t-shirt.
Gihiktan ang kamot ug tiil, ug gibutangan sab ang baba niini og duct tape.
Nakatali sab ang usa ka garbage bag nga nag-unod og bato.
Samtang duna kini samad sa iyang tiyan ang maong biktima. Gilubong ang biktima sa maong dapit tungod hingpit nang nadugta ang lawas niini.
Padayon pang ginasuta sa kapulisan ang identity sa napalgang patayng lawas.
via || Bombo LJF
