DAVAO CITY – Gikabutyag ni DPWH Davao spokesperson Dean Ortiz nga nagpadayon ang pagtukod sa Davao City Bypass Road nga nagkonekta sa Baragany Sirawan sa Toril ug Barangay J.P. Laurel sa Panabo City, Davao del Norte.
Sumala pa sa pinakaulahing development nga gipagawas sa ahensya as of March 28, nakalot na ang 1.01 kilometers kon 1, 013 meters nga tunnel sa amihanang bahin; ug 931 meters o dul-ang 1 kilometer sa may habagatang bahin sa Matina Biao ning dakbayan.
Katunga na sab sa gikalot nga 4.6 kilometers ang hapit na makumpleto sa proseso sa tunnel drilling. Kahinumduman nga ang maong proyekto, duna kini twin tube road mountain tunnel sa central portion sa maong bypass road nga dunay 10.7 kilometers ang gitas-on, lakip na niini ang tulay ug agianan.
Sa kinatibuk-an, nasa 29.25% ang completion niini.
Dugang pa ni Ortiz, kon mahuman na ang maong proyekto, dili na kinahanglang mulatas pa sa downtown area ang mga motorista gikan Mintal padulong ug pabalik sa Panabo City.
Sanglit, usa ang bypass road sa gialumang mutubag sa bug-at nga trapiko sa downtown area sa dakbayan.
via || Bombo LJF
