DAVAO CITY – Padayong gipangita karon sa kapulisan ang 3 ka suspek kinsa nilunggob sa bag nga dunay sulod nga 50 mil pesos sa usa ka negosyante sa Bansalan, Davao del Sur.
Giila ni PCapt. Arturo Papas Jr. ang OIC sa Magsaysay MPS ang biktima nga si alyas Jennifer, 25 anyos, dalaga negosyante ug residente sa Purok Magsaysay, Brgy. Poblacion 2, Bansalan, Davao del Sur.
Sumala kang Papas, naka underwear nalang ang biktima dihang nagpakitabang sa mga residente human nga nakigbugno sa tulo ka suspek nga nanulis kaniya kagahapon sa buntag sa may River Bank, Purok 6, Barangay Barayong, Magsaysay, Davao del Sur.
Subay sa imbestigasyon, natigayon ang insidente samtang nanukot ang biktima sa iyang rice buy and sell business sa Purok 1, Sagrada, Brgy Barayong, Magsaysay, Davao del Sur. Pag abot matod pa sa Purok 6, Barangay Barayong, Davao del Sur, particular sa river bank. Giduol ang biktima sa tulo ka suspek dayong ilog sa iyang brown backpack nga dunay sulod nga 50 mil pesos.
Gipangbira usab matod pa sa mga suspek ang saplot sa biktima hinungdan nga naluboan kini atol sa panghitabo. Wala pa nakuntinto ang mga suspek gisuysoyan pa sa mga nahisgutan ang wala nga dughan og hita sa biktima. Gilayon usab nga naglusad og hot pursuit operation ang kapulisan aron madakpan ang mga nisibat nga tulisan.
