DAVAO CITY – Pormal nang giinagurahan ang bagong opisina sa GSIS sa Tagum City, Davao del Norte human sa duha ka tuig nga pag-arkila sa usa ka gambalay sa dakbayan.
Gikalipay sa mga empleyado lakip na mga myembro sa buhatan ang pagbaton og mas maayo, kumportable ug dako nga opisina.
Subay sa tumong sa GSIS nga makatagamtam og alibyo ang mga miyembro niini, gisiguro nga ang bag-ong lokasyon nahimutang duol sa ubang pampublikong establisemento sama sa ospital ug eskwelahan.
Sumala pa ni GSIS President and General Manager Jose “Wick” Veloso, usa kini sa mga nahimong pamaagi sa ahensya nga maserbisyuhan ang mga myembro sa Tagum City ug sa mga kasikbit ng lugar sa Davao del Norte.
Makaakomodar ang maong gambalay ug hangtud 47,000 kapin ka mga myembro ug pensyonado.
Gawas sa maong gambalay, ipadayon matud pa sa GSIS ang pagpalawig sa ilang digitalized services pinaagi sa ilang mobile application nga GSIS Touch Mobile App.
Sa maong app, mamahimo ang matag myembro nga matan-aw ang ilang mga transaksyon nga dili na kinahanglang muhapit sa ilang opisina.
Gibutyag sab sa inagurasyon nga giplanuhan na sa ahensya ang pagpaubos sa retirement age sa mga myembro niini.
Nahumutang ang bag-ong opisina sa sa National Highway, duol sa Robinson’s Tagum.
via || Bombo LJF
